"Atletiko" bosh murabbiyi Diyego Simeone jamoa hujumchisi Aleksandr Syorlotning qishki transferlar davrida ketishi mumkinligi haqidagi fikrlari bilan o‘rtoqlashdi.
"Menimcha, Syorlot "Atletiko" uchun o‘ta muhim. Unda bizga boshqa hech bir o‘yinchi taklif qilmaydigan narsa bor. U bizga shunday shaklda kerak. O‘ylaymanki, u ham bu yerda ekanidan baxtiyor," - deya Simeonening so‘zlarini keltiradi jurnalist Fabrisio Romano.
Norvegiyalik forvard "Atletiko" safiga 2024 yilda kelib qo‘shilgan. U joriy mavsumda barcha musobaqalarni qo‘shib hisoblaganda 17 ta uchrashuvda maydonga tushdi va 4 ta gol urishga erishdi.
29 yoshli Sorlotning "matraschilar" bilan amaldagi mehnat shartnomasi 2028 yilga qadar imzolangan.
