"Brentford" markaziy hujumchisi Igor Tyago faoliyatini Angliya premyer-ligasining boshqa klubida davom ettirishi mumkin. Bu haqda Mirror Football nashri xabar bermoqda.
Manbaga ko‘ra, 24 yoshli hujumchini "Aston Villa" o‘z safiga qo‘shib olishni ko‘rib chiqmoqda. Birmingem klubi joriy mavsumda barcha musobaqalarda 14 ta uchrashuvda 12 ta gol urgan braziliyalik futbolchining sermahsulligidan hayratda. Bitim qiymati 57 million yevroni tashkil etishi mumkin.
Tyagoning "Brentford" bilan amaldagi mehnat shartnomasi 2029 yilning yarmigacha mo‘ljallangan. Nufuzli Transfermarkt internet portali mutaxassislari hujumchining narxini 22 million yevroga baholamoqda.
