"Bavariya" shanba kuni o‘z maydonida "Sankt-Pauli"ni 3:1 hisobida yengdi. Ikkinchi bo‘limga qo‘shib berilgan daqiqalarda myunxenliklar ikkita gol urishdi. O‘yin davomida gol ura olmagan hujumchi Xarri Keyn g‘alaba haqidagi fikrlari bilan o‘rtoqlashdi.

"Muhim g‘alaba. Oxirigacha kurashgan yigitlar bilan faxrlanaman!" - deb yozdi Keyn ijtimoiy tarmoqda.

Aytish kerakki, "Sankt-Pauli" uchun bu mag‘lubiyat Bundesligadagi ketma-ket 9-mag‘lubiyat bo‘ldi. "Bavariya" esa uch ochko jamg‘arib, peshqadamlikni mustahkamladi - ikkinchi o‘rindagi "RB Leypsig" bilan farq endi sakkiz ochkoni tashkil etmoqda.