"Бавария" шанба куни ўз майдонида "Санкт-Паули"ни 3:1 ҳисобида енгди. Иккинчи бўлимга қўшиб берилган дақиқаларда мюнхенликлар иккита гол уришди. Ўйин давомида гол ура олмаган ҳужумчи Харри Кейн ғалаба ҳақидаги фикрлари билан ўртоқлашди.
"Муҳим ғалаба. Охиригача курашган йигитлар билан фахрланаман!" - деб ёзди Кейн ижтимоий тармоқда.
Айтиш керакки, "Санкт-Паули" учун бу мағлубият Бундеслигадаги кетма-кет 9-мағлубият бўлди. "Бавария" эса уч очко жамғариб, пешқадамликни мустаҳкамлади - иккинчи ўриндаги "РБ Лейпциг" билан фарқ энди саккиз очкони ташкил этмоқда.
