Italiya chempionatining 13-turida "Napoli" safarda "Roma"ni mag‘lub etdi - 1:0.
Yagona gol 36-daqiqada Rasmus Xyoylundning uzatmasidan keyin David Neres tomonidan kiritildi.
"Napoli" 28 ochko bilan A Seriyada ikkinchi o‘rinda bormoqda va qo‘shimcha ko‘rsatkichlar bo‘yicha peshqadam "Milan"dan (28 ochko) ortda qolmoqda. 27 ochkosi bor "Roma" to‘rtinchi pog‘onadan joy olgan. Jamoa barcha turnirlardagi to‘rtta o‘yindan iborat g‘alabali seriyasini to‘xtatdi.
Keyingi turda neapolliklar 7 dekabr kuni "Yuventus"ni qabul qilsa, Rim jamoasi shu kuni "Kalyari" mehmoni bo‘ladi.
A Seriya. 13-tur
1 dekabr, 00:45, «Olimpico» (Rim)
Roma - Napoli - 0:1
Gol: Neres, 36 (0:1)
Roma: Svilar, NDika, Ermoso, Manchini, Kristante (El-Aynaui, 62), Kone, Uesli Vinisius (El-SHaaravi, 82), Zeki Chelik, Pellegrini (Beyli, 80), Soule (Dibala, 62), Fergyuson (Baldansi, 46)
Napoli: Milinkovich-Savich, Rraxmani, Buondjorno, Bekema, Maktominay, Lobotka, Olivera, Di Lorenso, Lang (Politano, 69), Neres (Lukka, 85), Xyoylund (Elmas, 80)
Ogohlantirishlar: Kristante, 55. Baldansi, 73. NDika, 86. El-SHaaravi, 90 - Lobotka, 63. Bekema, 64. Olivera, 90
Hakam: Massa (Italiya)
