"Barselona"ning 18 yoshli futbolchisi Lamin Yamal uzoq muddatli maqsadlar qo‘ymasligini tan oldi.

Yosh vingerni uzoq vaqtdan beri yangi Lionel Messi deb atashadi va Kataloniya grandining uzoq yillik asosiy umidi deb hisoblashadi, ammo futbolchining o‘zi vaziyatga soddaroq qaraydi.

"Hammasi odamlarga va ularning kutganlariga bog‘liq. Ehtimol, kimdir mendan haddan tashqari ko‘p yoki juda oz narsa kutayotgandir, menda esa umuman kutish yo‘q - men faqat o‘yinga diqqatimni qarataman.

Menimcha, kutishlar oxir-oqibat yaxshi natija bermaydi: ularni oqlasang - go‘yo senda boshqa maqsad qolmagandek tuyulishi mumkin, oqlay olmasang - umidsizlikka tushasan," - deya Yamalning suhbatidan iqtibos keltiradi The Touchline.

Joriy mavsumda ispaniyalik futbolchi "Barselona" safida 14 ta o‘yinda 7 ta gol va 9 ta assistni o‘z hisobiga yozdirib qo‘ydi.