"Барселона"нинг 18 ёшли футболчиси Ламин Ямал узоқ муддатли мақсадлар қўймаслигини тан олди.
Ёш вингерни узоқ вақтдан бери янги Лионель Месси деб аташади ва Каталония грандининг узоқ йиллик асосий умиди деб ҳисоблашади, аммо футболчининг ўзи вазиятга соддароқ қарайди.
"Ҳаммаси одамларга ва уларнинг кутганларига боғлиқ. Эҳтимол, кимдир мендан ҳаддан ташқари кўп ёки жуда оз нарса кутаётгандир, менда эса умуман кутиш йўқ - мен фақат ўйинга диққатимни қаратаман.
Менимча, кутишлар охир-оқибат яхши натижа бермайди: уларни оқласанг - гўё сенда бошқа мақсад қолмагандек туюлиши мумкин, оқлай олмасанг - умидсизликка тушасан," - дея Ямалнинг суҳбатидан иқтибос келтиради The Touchline.
Жорий мавсумда испаниялик футболчи "Барселона" сафида 14 та ўйинда 7 та гол ва 9 та ассистни ўз ҳисобига ёздириб қўйди.
