"Chelsi"dagilarning fikricha, 18 yoshli Estevao Villian kelajakda "Oltin to‘p"ga da’vogarlik qilishi mumkin.

Braziliyalik futbolchi Yevropadagi faoliyatini yorqin boshladi va yosh bo‘lishiga qaramay, milliy terma jamoaning asosiy tarkibiga kira oldi. Insayder Fabrisio Romanoning ma’lum qilishicha, vunderkindning "Chelsi" bilan shartnomasida "Oltin to‘p" bilan bog‘liq band bor: agar futbolchi bir marta nufuzli individual sovrinni qo‘lga kiritsa, bonus oladi, shuningdek, ma’lum miqdordagi mablag‘ uning qadrdon klubi "Palmeyras"ga ham tegadi.

Estevao joriy yilning avgust oyida aynan "Palmeyras"dan "Chelsi" safiga kelib qo‘shilgandi. Futbolchining hisobida londonliklar safida 18 ta o‘yinda beshta gol va bitta golli uzatma bor.