"Челси"дагиларнинг фикрича, 18 ёшли Эстевао Виллиан келажакда "Олтин тўп"га даъвогарлик қилиши мумкин.
Бразилиялик футболчи Европадаги фаолиятини ёрқин бошлади ва ёш бўлишига қарамай, миллий терма жамоанинг асосий таркибига кира олди. Инсайдер Фабрицио Романонинг маълум қилишича, вундеркинднинг "Челси" билан шартномасида "Олтин тўп" билан боғлиқ банд бор: агар футболчи бир марта нуфузли индивидуал совринни қўлга киритса, бонус олади, шунингдек, маълум миқдордаги маблағ унинг қадрдон клуби "Палмейрас"га ҳам тегади.
Эстевао жорий йилнинг август ойида айнан "Палмейрас"дан "Челси" сафига келиб қўшилганди. Футболчининг ҳисобида лондонликлар сафида 18 та ўйинда бешта гол ва битта голли узатма бор.
