Yosh hujumkor futbolchi qidirayotgan Italiyaning "Milan" klubi Fransiya chempionatining eng umidli futbolchilaridan birini nishonga oldi. Bu haqda jurnalist va insayder Nikolo Skira xabar bermoqda.
Manbaga ko‘ra, gap "Anje" sharafini himoya qilayotgan 18 yoshli hujumchi Sidiqi Sherif haqida ketmoqda. "Rossonerilar" skaut xizmati uning o‘yinlarini joriy mavsum boshidan buyon kuzatib kelmoqda va uni kelajak uchun xarid sifatida ko‘rmoqda.
Sherifning "Anje" bilan shartnomasi 2028 yil iyunigacha amal qiladi, bu esa uning klubini rasmiy taklif bo‘lgan taqdirda muzokaralar uchun kuchli pozisiyaga qo‘yadi.
Joriy mavsumda narxi 2 million yevroga baholanayotgan futbolchi chempionatning 14 o‘yinida 3ta golga mualliflik qilgan.
