"Inter" markaziy himoyachisi Stefan de Vrey qishki transferlar vaqtida klubini o‘zgartirishi mumkin. Bu haqda Football Insider nashri xabar bermoqda.
Ta’kidlanishicha, 33 yoshli niderlandiyalik futbolchini "Nottingem Forest" kuzatib bormoqda. Yozda futbolchining "Inter" bilan shartnomasi tugaydi, ammo Niderlandiya terma jamoasi bosh murabbiyi Ronald Kuman himoyachiga jahon chempionati uchun terma jamoa tarkibiga kirishni istasa, muntazam o‘ynashi kerakligini aytdi. De Vrey "o‘rmonchilar" qarorgohiga ijara asosida borishi ham ehtimoldan xoli emas.
De Vrey "Inter" safida 2018 yildan buyon to‘p tepib kelmoqda. Bu mavsumda u barcha musobaqalarda beshta o‘yinda maydonga tushdi.
