"Real" jamoasi bosh murabbiyi Xabi Alonso "Atletik" bilan bo‘lajak o‘yindan nimalar kutayotgani haqida gapirib, Bilbaodagi o‘yin jamoaning safarda ochko yo‘qotish bo‘yicha yoqimsiz seriyasiga barham berish uchun imkoniyat bo‘lishi mumkinligini ta’kidladi.
"Bu o‘yin La Liga klassikasi, bu yerda har doim ajoyib muhit hukm suradi. Biz g‘ayratli va diqqatli bo‘lishimiz kerak. Biz safar o‘yinlaridagi ochko yo‘qotishlar seriyasiga barham bermoqchimiz va ertangi o‘yin ajoyib imkoniyat", - dedi murabbiy 3 dekabr kuni bo‘lib o‘tadigan o‘yin oldidan.
"Real" ketma-ket uchta durangdan so‘ng chempionatda ikkinchi o‘rinni egallab turibdi.
