"Реал" жамоаси бош мураббийи Хаби Алонсо "Атлетик" билан бўлажак ўйиндан нималар кутаётгани ҳақида гапириб, Бильбаодаги ўйин жамоанинг сафарда очко йўқотиш бўйича ёқимсиз сериясига барҳам бериш учун имконият бўлиши мумкинлигини таъкидлади.
"Бу ўйин Ла Лига классикаси, бу ерда ҳар доим ажойиб муҳит ҳукм суради. Биз ғайратли ва диққатли бўлишимиз керак. Биз сафар ўйинларидаги очко йўқотишлар сериясига барҳам бермоқчимиз ва эртанги ўйин ажойиб имконият", - деди мураббий 3 декабрь куни бўлиб ўтадиган ўйин олдидан.
"Реал" кетма-кет учта дурангдан сўнг чемпионатда иккинчи ўринни эгаллаб турибди.
