"Nissa" hujumchilari Jeremi Boga va Terem Moffi muxlislar hujumidan keyin klub safida to‘p tepishni istamayapti, deb xabar beradi RMC Sport.

30 noyabr kuni Fransiya chempionatining 14-turidan o‘rin olgan "Loryan"ga (1:3) qarshi o‘yindan so‘ng jamoaning mashg‘ulot bazasi yonida olti o‘yindan iborat mag‘lubiyatlar seriyasidan norozi bo‘lgan 400 ga yaqin muxlis futbolchilar bilan suhbatlashish uchun yig‘ildi. Ular jamoa bosh murabbiyi Frank Ezni iste’foga chiqarishga chaqiruvchi shiorlarni ayta boshlashdi. Bir nechta muxlislar Moffi va Bogaga hujum qilishdi. Muxlislar futbolchilarni urib, ularga tupurishdi.

2 dekabr kuni ikkala futbolchi ham tibbiy ko‘rikdan o‘tkazildi. Boga besh kunga safdan chiqdi, Moffi esa hafta oxirigacha kasallik ta’tiliga chiqdi.

"Nissa" barcha turnirlarda ketma-ket oltita mag‘lubiyatga uchradi. Fransiya chempionatida klub 14 turdan so‘ng 17 ochko jamg‘arib, 10-o‘rinni egallab turibdi.