Angliya Premyer-ligasi o‘n to‘rtinchi turining dastlabki o‘yinida "Manchester Siti" safarda "Fulxem" ustidan g‘alaba qozondi - 5:4. Bu "Fulxem"ning 73 o‘yindan iborat seriyasi yakuniga yetganini anglatadi.
Gap shundaki, "dala hovlilar" APLda o‘z uyida 3 va undan ortiq gol urgan 73 o‘yinning barchasida g‘alaba qozonib kelayotgan edi. Oxirgi marta ular buni 2007 yil sentyabrida uddalay olishmagan - o‘shanda jamoa 3:3 hisobida o‘ynagan, qizig‘i, aynan "Manchester Siti" bilan.
Angliya chempionatining navbatdagi turida "Fulxem" yana o‘z maydonida "Kristal Pelas"ga qarshi maydonga tushadi.
