Англия Премьер-лигаси ўн тўртинчи турининг дастлабки ўйинида "Манчестер Сити" сафарда "Фулхэм" устидан ғалаба қозонди - 5:4. Бу "Фулхэм"нинг 73 ўйиндан иборат серияси якунига етганини англатади.
Гап шундаки, "дала ҳовлилар" АПЛда ўз уйида 3 ва ундан ортиқ гол урган 73 ўйиннинг барчасида ғалаба қозониб келаётган эди. Охирги марта улар буни 2007 йил сентябрида уддалай олишмаган - ўшанда жамоа 3:3 ҳисобида ўйнаган, қизиғи, айнан "Манчестер Сити" билан.
Англия чемпионатининг навбатдаги турида "Фулхэм" яна ўз майдонида "Кристал Пэлас"га қарши майдонга тушади.
