“Katta dubulg‘a” turnirlarining 24 karra g‘olibi, jahonning sobiq birinchi raketkasi va 2024-yilgi Olimpiya o‘yinlari chempioni Novak Jokovich Serbiyaning Mondo nashriga intervyu berdi. Unda serbiyalik tennischi 2026-yilgi mavsumga qanday tayyorgarlik ko‘rayotgani haqida so‘zlab berdi.

“Qisqa tanaffus oldim, texnik atama bilan aytadigan bo‘lsam, o‘z ‘motor’imni qayta sozlashga urinyapman. So‘nggi 18 oy ichida tez-tez jarohat oldim. Shuning uchun tanamni tiklashga harakat qilyapman, kelasi mavsumni zo‘r holatda boshlashni istayman. Umid qilamanki, eng kuchlilar bilan raqobatni davom ettira olaman”, deydi Jokovich.

Ma’lumot uchun, 38 yoshli Novak Jokovich 2025-yilda barcha “Katta dubulg‘a” turnirlarida yarim finalga yetib borgan, shuningdek, Jeneva (Shveysariya) va Afina (Gresiya) shaharlarida o‘tkazilgan Masters turnirlarida g‘olib chiqqan.

Jokovich hozirda ATP reytingida 4-o‘rinni egallab turibdi. U faoliyati davomida 100 dan ziyod turnirda g‘alaba qozongan va dunyoning birinchi raketkasi unvonini eng ko‘p — 428 hafta davomida saqlab qolgan holda rekord o‘rnatgan.