Braziliya A Seriyasining 37-turida "Flamengo" o‘z maydonida "Seara"ni 1:0 hisobida mag‘lub etdi va muddatidan avval mamlakat chempioniga aylandi. Endi jamoa to‘qqiz karra Braziliya chempioni hisoblanadi.

Joriy mavsumda "Flamengo" 37 ta uchrashuvda 78 ochko jamg‘arishga muvaffaq bo‘ldi. Eng yaqin raqib bilan oradagi farq 5 ochkoni tashkil etadi va bu ochkolarni qolgan bir o‘yinda yo‘qqa chiqarib bo‘lmaydi.

Braziliya chempionatining so‘nggi turida "Flamengo" futbolchilari safarda "Mirasol" klubiga qarshi bahs olib boradi. O‘yin 7 dekabr kuni bo‘lib o‘tadi.