"PSJ" yarim himoyachisi Vitinya jamoaning Chempionlar ligasi joriy mavsumidagi istiqbollari haqida gapirdi.
"Kim Chempionlar Ligasida g‘alaba qozonishni istamaydi? Biz hammamiz uni yana yutishni xohlaymiz va ketma-ket ikkinchi marta bu yanada aql bovar qilmas bo‘lardi. O‘tgan yili ham g‘alaba qozonishni xohlagandik, ammo natijalar nuqtai nazaridan start omadsiz bo‘ldi... Gap xohishda emas, balki omadda, yaxshi o‘yinda. Ammo biz qo‘limizdan kelganini qilamiz - chempionatda ham, Chempionlar Ligasida ham. Biz ko‘tarilishlar va pasayishlar bo‘lishini bilamiz, biroq biz cho‘qqida qolish uchun hamma narsani qilamiz," - deya Vitinyaning so‘zlarini keltiradi Footmercato.
"PSJ" Chempionlar Ligasi umumiy bosqichida o‘tkazilgan 5 o‘yindan so‘ng 12 ochko jamg‘arib, musobaqa jadvalida 2-o‘rinda bormoqda. Turnirda "Arsenal" 15 ochko bilan peshqadamlik qilmoqda.
