"ПСЖ" ярим ҳимоячиси Витинья жамоанинг Чемпионлар лигаси жорий мавсумидаги истиқболлари ҳақида гапирди.
"Ким Чемпионлар Лигасида ғалаба қозонишни истамайди? Биз ҳаммамиз уни яна ютишни хоҳлаймиз ва кетма-кет иккинчи марта бу янада ақл бовар қилмас бўларди. Ўтган йили ҳам ғалаба қозонишни хоҳлагандик, аммо натижалар нуқтаи назаридан старт омадсиз бўлди... Гап хоҳишда эмас, балки омадда, яхши ўйинда. Аммо биз қўлимиздан келганини қиламиз - чемпионатда ҳам, Чемпионлар Лигасида ҳам. Биз кўтарилишлар ва пасайишлар бўлишини биламиз, бироқ биз чўққида қолиш учун ҳамма нарсани қиламиз," - дея Витиньянинг сўзларини келтиради Footmercato.
"ПСЖ" Чемпионлар Лигаси умумий босқичида ўтказилган 5 ўйиндан сўнг 12 очко жамғариб, мусобақа жадвалида 2-ўринда бормоқда. Турнирда "Арсенал" 15 очко билан пешқадамлик қилмоқда.
