Madridning "Real" klubi darvozaboni Andrey Lunin raqibi Tibo Kurtua bilan shartnomani uzaytirishi mumkinligi sababli klubni tark etishi mumkin, deb xabar beradi DefensaCentral.
Manbaning ta’kidlashicha, "qaymoqranglilar" rahbariyati belgiyalik darvozabon bilan yangi shartnoma imzolashni rejalashtirmoqda. Agar bu rejalar amalga oshsa, Lunin muntazam o‘yin amaliyoti uchun yangi jamoa qidirishiga to‘g‘ri keladi.
Joriy mavsumda ukrainalik futbolchi "Real" safida atigi bitta o‘yinda maydonga tushib, uchta gol o‘tkazib yubordi.
Luninning madridliklar bilan shartnomasi 2030 yilning 30 iyuniga qadar mo‘ljallangan.
