Мадриднинг "Реал" клуби дарвозабони Андрей Лунин рақиби Тибо Куртуа билан шартномани узайтириши мумкинлиги сабабли клубни тарк этиши мумкин, деб хабар беради DefensaCentral.
Манбанинг таъкидлашича, "қаймоқранглилар" раҳбарияти бельгиялик дарвозабон билан янги шартнома имзолашни режалаштирмоқда. Агар бу режалар амалга ошса, Лунин мунтазам ўйин амалиёти учун янги жамоа қидиришига тўғри келади.
Жорий мавсумда украиналик футболчи "Реал" сафида атиги битта ўйинда майдонга тушиб, учта гол ўтказиб юборди.
Луниннинг мадридликлар билан шартномаси 2030 йилнинг 30 июнига қадар мўлжалланган.
