"Manchester Yunayted" xo‘jayinlari, Gleyzerlar oilasi murabbiy Ruben Amorimning ishidan norozilik, shuningdek, beqaror sport natijalari fonida chora ko‘rmoqchi. Futbol klubida keskinlik kuchayib bormoqda, deb yozadi Caught Offside.
Manbaga ko‘ra, klub xo‘jayinlari yuqori darajadagi shoshilinch yig‘ilishni chaqirgan. Uchrashuvdan ko‘zlangan maqsad jamoaning bugungi kundagi rivojlanishi, muxlislarning noroziligi kuchayib borayotgani, klubning moliyaviy va umumiy sport istiqbollari haqida chuqur xavotirlarni muhokama qilishdan iborat. Direktorlar kengashi bilan yaqin aloqada bo‘lgan manbalarning ta’kidlashicha, klub xo‘jayinlari jamoaning Chempionlar ligasiga yo‘llanma olish borasidagi rejalari barbod bo‘lishidan qattiq xavotirda.
Kecha "Manchester Yunayted" chempionat autsayderi "Vest Xem" bilan 1:1 hisobida durang o‘ynadi. Ushbu o‘yindan so‘ng mankunianliklar Angliya Premyer-ligasi turnir jadvalida sakkizinchi o‘rinda bormoqda. Jamoaning Chempionlar Ligasi zonasidan ortda qolishi ikki ochkoni tashkil etadi.
