"Arsenal" Kristian Moskeraning kamida olti hafta maydonga tusha olmasligidan xavotirda, bu esa jamoaning himoyadagi muammolarini yanada kuchaytiradi.

APLning 14-turidan o‘rin olgan "Brentford"ga (2:0) qarshi o‘yinning birinchi bo‘limi oxirida 21 yoshli himoyachi sakrashdan so‘ng noqulay qo‘ndi va oyog‘ini shikastladi.

Ispaniyalik futbolchi to‘pig‘idagi jarohat darajasini aniqlash uchun qo‘shimcha tekshiruvlardan o‘tadi, dedi jamoa bosh murabbiyi Mikel Arteta bugungi matbuot anjumanida. Biroq u olti haftadan sakkiz haftagacha safdan chiqishi mumkinligi haqida dastlabki taxminlar mavjud, deb yozadi BBC.

Moskeraning yo‘qligi "kanonirlar"ning ahvolini yanada og‘irlashtiradi, ularda markaziy himoyachilar Gabriel Magalyaes va Vilyam Salibaning asosiy juftligi ham jarohat olgan.

Arteta, shuningdek, Saliba bir necha kun ichida safga qaytishi mumkinligini, Gabriel esa sonidan olgan jarohati tufayli yanvargacha safda bo‘lmasligi mumkinligini ta’kidladi.