"Арсенал" Кристиан Москеранинг камида олти ҳафта майдонга туша олмаслигидан хавотирда, бу эса жамоанинг ҳимоядаги муаммоларини янада кучайтиради.

АПЛнинг 14-туридан ўрин олган "Брентфорд"га (2:0) қарши ўйиннинг биринчи бўлими охирида 21 ёшли ҳимоячи сакрашдан сўнг ноқулай қўнди ва оёғини шикастлади.

Испаниялик футболчи тўпиғидаги жароҳат даражасини аниқлаш учун қўшимча текширувлардан ўтади, деди жамоа бош мураббийи Микель Артета бугунги матбуот анжуманида. Бироқ у олти ҳафтадан саккиз ҳафтагача сафдан чиқиши мумкинлиги ҳақида дастлабки тахминлар мавжуд, деб ёзади BBC.

Москеранинг йўқлиги "канонирлар"нинг аҳволини янада оғирлаштиради, уларда марказий ҳимоячилар Габриэль Магальяэс ва Вильям Салибанинг асосий жуфтлиги ҳам жароҳат олган.

Артета, шунингдек, Салиба бир неча кун ичида сафга қайтиши мумкинлигини, Габриэль эса сонидан олган жароҳати туфайли январгача сафда бўлмаслиги мумкинлигини таъкидлади.