"Liverpul" bosh murabbiyi Arne Slot hamon klubning qo‘llab-quvvatlashini his qilayotganini aytdi. Jamoa niderlandiyalik murabbiy qo‘l ostida ikkinchi mavsumni muvaffaqiyatsiz o‘tkazmoqda, shu sababli matbuotda boshqaruvchi iste’foga chiqishi mumkinligi haqida gap-so‘zlar tarqalmoqda.
"Men qo‘llab-quvvatlashdan mahrum bo‘lganimni umuman his qilmayapman. Albatta, ba’zi lahzalarda senga qiyin bo‘ladi, o‘zingni yolg‘iz his qilasan, lekin umuman olganda, men hali ham to‘liq ishonchni his qilaman", - deya Slotning so‘zlarini keltiradi jurnalist Fabrisio Romano.
"Liverpul" APL 14-turidan keyin turnir jadvalida to‘qqizinchi o‘rinda bormoqda. Bugun "qizillar" safarda "Lids" bilan kuch sinashadi.
