"Ливерпуль" бош мураббийи Арне Слот ҳамон клубнинг қўллаб-қувватлашини ҳис қилаётганини айтди. Жамоа нидерландиялик мураббий қўл остида иккинчи мавсумни муваффақиятсиз ўтказмоқда, шу сабабли матбуотда бошқарувчи истеъфога чиқиши мумкинлиги ҳақида гап-сўзлар тарқалмоқда.
"Мен қўллаб-қувватлашдан маҳрум бўлганимни умуман ҳис қилмаяпман. Албатта, баъзи лаҳзаларда сенга қийин бўлади, ўзингни ёлғиз ҳис қиласан, лекин умуман олганда, мен ҳали ҳам тўлиқ ишончни ҳис қиламан", - дея Слотнинг сўзларини келтиради журналист Фабрицио Романо.
"Ливерпуль" АПЛ 14-туридан кейин турнир жадвалида тўққизинчи ўринда бормоқда. Бугун "қизиллар" сафарда "Лидс" билан куч синашади.
