Madridning "Atletiko" klubi bosh murabbiyi Diyego Simeone Bilbaoning "Atletik" klubiga (0:1) qarshi o‘yindagi muvaffaqiyatsizlikdan so‘ng o‘z fikrlarini bildirib o‘tdi.
"Matraschilar" La Liga 16-turining safar uchrashuvida 85-daqiqada gol o‘tkazib yuborib, imkoniyatni boy berib qo‘ydi. Turnir jadvalida peshqadam "Barselona" bilan oradagi farq 9 ochkoga yetdi.
"Bizda yaqqol golli vaziyatlar bo‘ldi, ammo o‘yin raqib ssenariysi bo‘yicha o‘tdi. Deyarli barcha jamoalarda, eng kuchlilaridan tashqari, mehmondagi o‘yinlarda muammolar yuzaga kelmoqda," - dedi Simeone jurnalistlar bilan suhbatda.
