Мадриднинг "Атлетико" клуби бош мураббийи Диего Симеоне Бильбаонинг "Атлетик" клубига (0:1) қарши ўйиндаги муваффақиятсизликдан сўнг ўз фикрларини билдириб ўтди.
"Матрасчилар" Ла Лига 16-турининг сафар учрашувида 85-дақиқада гол ўтказиб юбориб, имкониятни бой бериб қўйди. Турнир жадвалида пешқадам "Барселона" билан орадаги фарқ 9 очкога етди.
"Бизда яққол голли вазиятлар бўлди, аммо ўйин рақиб сценарийси бўйича ўтди. Деярли барча жамоаларда, энг кучлиларидан ташқари, меҳмондаги ўйинларда муаммолар юзага келмоқда," - деди Симеоне журналистлар билан суҳбатда.
