"Real" ustozi Xabi Alonso shanba kuni La Liga doirasidagi "Selta"ga qarshi o‘yin oldidan jurnalistlar bilan suhbatlashdi. Alonso Kilian Mbappe va Krishtianu Ronaldu o‘rtasidagi o‘xshashliklar haqida gapirdi. Shuningdek, Xabiga bu ikki hujumchidan kimni tanlashi haqida savol berildi.
"Krishtianu - bu Krishtianu, Kilian - bu Kilian. Ularning ikkalasi ham ajoyib futbolchilar. Tarkibimizda Kilian borligi bizning omadimiz, bundan foydalanishimiz kerak," - dedi Alonso matbuot anjumanida.
"Real" va "Selta" o‘rtasidagi o‘yin 7 dekabr kuni Toshkent vaqti bilan soat 01:00da boshlanadi.
