"Реал" устози Хаби Алонсо шанба куни Ла Лига доирасидаги "Сельта"га қарши ўйин олдидан журналистлар билан суҳбатлашди. Алонсо Килиан Мбаппе ва Криштиану Роналду ўртасидаги ўхшашликлар ҳақида гапирди. Шунингдек, Хабига бу икки ҳужумчидан кимни танлаши ҳақида савол берилди.
"Криштиану - бу Криштиану, Килиан - бу Килиан. Уларнинг иккаласи ҳам ажойиб футболчилар. Таркибимизда Килиан борлиги бизнинг омадимиз, бундан фойдаланишимиз керак," - деди Алонсо матбуот анжуманида.
"Реал" ва "Сельта" ўртасидаги ўйин 7 декабрь куни Тошкент вақти билан соат 01:00да бошланади.
