"Liverpul"ning yulduz hujumchisi Muhammad Saloh tumanli Albionni tark etib, Saudiya Arabistoni chempionatiga ko‘chib o‘tishi mumkin. Bu haqda Caught Offside jurnalistlari xabar bermoqda.
Manbaning ma’lum qilishicha, 33 yoshli misrlik hujumchi uchun asosiy da’vogarlar "Al-Hilol" va "Al-Ittihod" hisoblanadi. Har ikkala klub ham Salohni qishki transferlar davrida o‘z safiga qo‘shib olmoqchi. Potensial bitim summasi 80-100 million yevroni tashkil etishi mumkin.
Salohning "qizillar" bilan amaldagi mehnat shartnomasi 2027 yilning yozida yakuniga yetadi. Joriy mavsumda Muhammad 19 ta o‘yin o‘tkazib, beshta gol va uchta golli uzatmani o‘z hisobiga yozdirib qo‘ydi.
