"Ливерпуль"нинг юлдуз ҳужумчиси Муҳаммад Салоҳ туманли Альбионни тарк этиб, Саудия Арабистони чемпионатига кўчиб ўтиши мумкин. Бу ҳақда Caught Offside журналистлари хабар бермоқда.
Манбанинг маълум қилишича, 33 ёшли мисрлик ҳужумчи учун асосий даъвогарлар "Ал-Ҳилол" ва "Ал-Иттиҳод" ҳисобланади. Ҳар иккала клуб ҳам Салоҳни қишки трансферлар даврида ўз сафига қўшиб олмоқчи. Потенциал битим суммаси 80-100 миллион еврони ташкил этиши мумкин.
Салоҳнинг "қизиллар" билан амалдаги меҳнат шартномаси 2027 йилнинг ёзида якунига етади. Жорий мавсумда Муҳаммад 19 та ўйин ўтказиб, бешта гол ва учта голли узатмани ўз ҳисобига ёздириб қўйди.
