"Chelsi" rahbariyati jamoa bosh murabbiyi Enso Mareskani to‘liq qo‘llab-quvvatlamoqda va uning qo‘l ostidagi jamoaning rivojlanishidan mamnun. Bu haqda TEAMtalk nashri yozmoqda.

Manbalarning ma’lum qilishicha, klubdagilar jamoaning so‘nggi vaqtlardagi muvaffaqiyatsiz natijalaridan xavotirga tushishmayapti. Bir kun avval "Chelsi" APL 15-turidat"Bornmut" bilan 0:0 hisobida durang o‘ynadi. Hozirda ular peshqadam "Arsenal"dan 8 ochko ortda qolgan holda to‘rtinchi o‘rinda bormoqda. Jamoa barcha turnirlarda ketma-ket 3 ta o‘yindan buyon g‘alaba qozona olmayapti.

Qolaversa, klub hozirda bosh murabbiy bilan shartnomani uzaytirish haqida o‘ylamoqda. Amaldagi bitim 2029 yilgacha mo‘ljallangan.