"Челси" раҳбарияти жамоа бош мураббийи Энцо Марескани тўлиқ қўллаб-қувватламоқда ва унинг қўл остидаги жамоанинг ривожланишидан мамнун. Бу ҳақда TEAMtalk нашри ёзмоқда.

Манбаларнинг маълум қилишича, клубдагилар жамоанинг сўнгги вақтлардаги муваффақиятсиз натижаларидан хавотирга тушишмаяпти. Бир кун аввал "Челси" АПЛ 15-туридат"Борнмут" билан 0:0 ҳисобида дуранг ўйнади. Ҳозирда улар пешқадам "Арсенал"дан 8 очко ортда қолган ҳолда тўртинчи ўринда бормоқда. Жамоа барча турнирларда кетма-кет 3 та ўйиндан буён ғалаба қозона олмаяпти.

Қолаверса, клуб ҳозирда бош мураббий билан шартномани узайтириш ҳақида ўйламоқда. Амалдаги битим 2029 йилгача мўлжалланган.