Dortmundning "Borussiya" klubi o‘z maydonida Germaniya chempionatining 13-turidan o‘rin olgan uchrashuvda "Xoffenxaym"ni mag‘lub etdi - 2:0.
Birinchi bo‘limda Yulian Brandt gol urdi. Ikkinchi bo‘limda Niko Shlotterbek o‘z nomini tabloga yozdirib qo‘ydi.
"Borussiya" Bundesligadagi mag‘lubiyatsiz seriyasini oltita o‘yinga yetkazdi - 4 g‘alaba va 2 durang. Niko Kovach jamoasi 28 ochko jamg‘arib, chempionat jadvalida uchinchi o‘rinda bormoqda.
"Xoffenxaym" 23 ochko bilan 5-pog‘onada bormoqda. "Ko‘k-oqlar" 6 o‘yindan iborat mag‘lubiyatsiz seriyasiga barham berdi - 5 g‘alaba va 1 durang.
Bundesliga. 13-tur
7 dekabr, 21:30. «Signal Iduna Park» (Dortmund)
Borussiya Dortmund - Xoffenxaym - 2:0
Gollar: Brandt, 43 (1:0). Shlotterbek, 60 (2:0)
Borussiya D: Kobel, Anton, Shlotterbek, Anselmino, Nmecha (Ryuerson, 90), Zabitser, Svensson, Koutu (Bellingem, 90), Brandt (Chukvuemeka, 80), Adeyemi (Bayer, 80), Girassi (Silva, 90)
Xoffenxaym: Baumann, Granach, Xaydari, Bernardu, Soufal, Avdullaxu, Byurger (Glojek, 80), Premel (Toxumdju, 73), Asllani (Kramarich, 62), Lemperle (Bebu, 73), Ture (Moerstedt, 80)
Ogohlantirishlar: Bernardu, 65. Xaydari, 68
