"Napoli" Italiya chempionatining 14-turida o‘z maydonida "Yuventus"ni mag‘lub etdi - 2:1.
Uchrashuvning 7-daqiqasida "Napoli" hujumchisi Rasmus Xyoylund hisobni ochgan bo‘lsa, 59-daqiqada yarim himoyachi Kenan Yildiz javob golini urdi. 78-daqiqada Xyoylund yana mezbonlarni oldinga olib chiqdi.
"Napoli" barcha turnirlarda qatorasiga beshinchi g‘alabani qo‘lga kiritdi. U A Seriya turnir jadvalida birinchi o‘ringa ko‘tarilib oldi - jamoa 14 o‘yindan keyin 31 ochko to‘plagan. "Yuventus" ketma-ket uch g‘alabadan iborat seriyasiga barham berib, yettinchi o‘rinda bormoqda (14 o‘yindan so‘ng 23 ochko).
"Napoli" 15-turda 14 dekabr kuni "Udineze" mehmoni bo‘ladi. "Yuventus" shu kuni "Bolonya" maydoniga safar qiladi.
A Seriya. 14-tur
8 dekabr, 00:45
Napoli - Yuventus - 2:1
Gollar: Xyoylund, 7 (1:0). Kenan Yildiz, 59 (1:1). Xyoylund, 78 (2:1)
Napoli: Milinkovich-Savich, Rraxmani, Buondjorno, Bekema, Maktominay, Elmas, Olivera (Spinassola, 70), Di Lorenso, Lang (Vergara, 86), Neres (Politano, 79), Xyoylund
Yuventus: Di Gregorio, Kelli, Kopmeyners, Kalyulyu, Lokatelli, Tyuram (Jegrova, 82), Kabal (David, 46), Kambyaso (Kostich, 71), Makkenni, Konseysau (Miretti, 75), Kenan Yildiz (Openda, 76)
Ogohlantirishlar: Buondjorno, 33. Bekema, 70 - Kalyulyu, 52
