"Наполи" Италия чемпионатининг 14-турида ўз майдонида "Ювентус"ни мағлуб этди - 2:1.
Учрашувнинг 7-дақиқасида "Наполи" ҳужумчиси Расмус Хёйлунд ҳисобни очган бўлса, 59-дақиқада ярим ҳимоячи Кенан Йилдиз жавоб голини урди. 78-дақиқада Хёйлунд яна мезбонларни олдинга олиб чиқди.
"Наполи" барча турнирларда қаторасига бешинчи ғалабани қўлга киритди. У А Серия турнир жадвалида биринчи ўринга кўтарилиб олди - жамоа 14 ўйиндан кейин 31 очко тўплаган. "Ювентус" кетма-кет уч ғалабадан иборат сериясига барҳам бериб, еттинчи ўринда бормоқда (14 ўйиндан сўнг 23 очко).
"Наполи" 15-турда 14 декабрь куни "Удинезе" меҳмони бўлади. "Ювентус" шу куни "Болонья" майдонига сафар қилади.
А Серия. 14-тур
8 декабрь, 00:45
Наполи - Ювентус - 2:1
Голлар: Хёйлунд, 7 (1:0). Кенан Йилдиз, 59 (1:1). Хёйлунд, 78 (2:1)
Наполи: Милинкович-Савич, Ррахмани, Буонджорно, Бекема, Мактоминай, Эльмас, Оливера (Спинаццола, 70), Ди Лоренцо, Ланг (Вергара, 86), Нерес (Политано, 79), Хёйлунд
Ювентус: Ди Грегорио, Келли, Копмейнерс, Калюлю, Локателли, Тюрам (Жегрова, 82), Кабаль (Давид, 46), Камбьясо (Костич, 71), Маккенни, Консейсау (Миретти, 75), Кенан Йилдиз (Опенда, 76)
Огоҳлантиришлар: Буонджорно, 33. Бекема, 70 - Калюлю, 52
