Londonning "Arsenal" klubi yarim himoyachisi Deklan Rays standart vaziyatlarga bo‘lgan ishonchi haqida gapirdi. Ayni damda aynan u burchak va jarima zarbalari bo‘yicha "kanonirlar"ning aksariyatini ijro etmoqda.
"Hozir men o‘zimga juda, juda ishonaman. Men har doim shunday bo‘lganman, ammo Arteta va standartlar bo‘yicha murabbiy Niko menga qo‘shimcha bosim o‘tkazadi. Ular mendan ko‘proq narsani talab qilishadi, chunki ular mening iste’dodimni ko‘rishadi va meni ko‘p narsaga qodir deb hisoblashadi, men ham shunday deb o‘ylayman.
O‘ylaymanki, men axborotni tinglash, idrok etish va uni amalda qo‘llashni yaxshi uddalayman. Men ma’lumotni yaxshi o‘zlashtiraman, uni tushunaman va oldimga vazifa qo‘yilganda, men unga to‘liq berilaman. Bu mening eng kuchli tomonlarimdan biri.
Bu 2024 yil yanvar oyidan beri, Niko men bilan birinchi marta gaplashgan paytdan beri davom etmoqda. U meni kuzatganini va bunga qodir ekanligimni aytdi. U menda texnika va kuch borligini, turli uzatmalarni amalga oshira olishimni aytdi", - deya Raysning so‘zlarini keltiradi "Arsenal" rasmiy sayti.
