Лондоннинг "Арсенал" клуби ярим ҳимоячиси Деклан Райс стандарт вазиятларга бўлган ишончи ҳақида гапирди. Айни дамда айнан у бурчак ва жарима зарбалари бўйича "канонирлар"нинг аксариятини ижро этмоқда.

"Ҳозир мен ўзимга жуда, жуда ишонаман. Мен ҳар доим шундай бўлганман, аммо Артета ва стандартлар бўйича мураббий Нико менга қўшимча босим ўтказади. Улар мендан кўпроқ нарсани талаб қилишади, чунки улар менинг истеъдодимни кўришади ва мени кўп нарсага қодир деб ҳисоблашади, мен ҳам шундай деб ўйлайман.

Ўйлайманки, мен ахборотни тинглаш, идрок этиш ва уни амалда қўллашни яхши уддалайман. Мен маълумотни яхши ўзлаштираман, уни тушунаман ва олдимга вазифа қўйилганда, мен унга тўлиқ бериламан. Бу менинг энг кучли томонларимдан бири.

Бу 2024 йил январь ойидан бери, Нико мен билан биринчи марта гаплашган пайтдан бери давом этмоқда. У мени кузатганини ва бунга қодир эканлигимни айтди. У менда техника ва куч борлигини, турли узатмаларни амалга ошира олишимни айтди", - дея Райснинг сўзларини келтиради "Арсенал" расмий сайти.