Yakshanba kuni "Real" o‘z maydonida "Selta"ga 0:2 hisobida yutqazdi. Madridliklar o‘yinni 9 kishi bo‘lib yakunlashdi - Fran Garsiya va Alvaro Karreras qizil kartochka ishlab olishdi.
Marca nashrining xabar berishicha, Karreras chetlatilgach, hujumchi Vinisius Junior hakamga istehzoli izoh qoldirgan.
"Qizillarni ko‘proq tarqat", - dedi Vinisius.
Ko‘p o‘tmay, hakam maydon atrofida his-tuyg‘ulari junbushga kelgan zaxiradagi Endrikka ham qizil kartochka ko‘rsatdi.













