"Liverpul" "Leypsig" hujumchisi Yan Diomande bilan shartnoma imzolash imkoniyatini ko‘rib chiqmoqda, deya xabar bermoqda TEAMtalk.
Manbaga ko‘ra, ingliz jamoasi skautlari "Leypsig"ning "Ayntraxt"ga (6:0) qarshi o‘yinida ishtirok etishgan va unda 19 yoshli ivuarlik futbolchi uchta gol urgan.
Diomandega bo‘lgan qiziqish "Liverpul"ning misrlik forvardi Muhammad Saloh bilan bog‘liq vaziyat fonida kuchayishi mumkin. Hozirda Slot va jamoani tanqid qilgan misrlik yulduz tarkibdan chetlatilgan.
Diomande 2025/26 yilgi mavsumda 15 ta o‘yinda 7 ta gol urdi va 4 ta golli uzatmani amalga oshirdi. Uning "Leypsig" bilan shartnomasi 2030 yilning 30 iyuniga qadar imzolangan.
Transfermarkt portali futbolchining transfer qiymatini 20 million yevroga baholagan.
