"Ливерпуль" "Лейпциг" ҳужумчиси Ян Диоманде билан шартнома имзолаш имкониятини кўриб чиқмоқда, дея хабар бермоқда TEAMtalk.
Манбага кўра, инглиз жамоаси скаутлари "Лейпциг"нинг "Айнтрахт"га (6:0) қарши ўйинида иштирок этишган ва унда 19 ёшли ивуарлик футболчи учта гол урган.
Диомандега бўлган қизиқиш "Ливерпуль"нинг мисрлик форварди Муҳаммад Салоҳ билан боғлиқ вазият фонида кучайиши мумкин. Ҳозирда Слот ва жамоани танқид қилган мисрлик юлдуз таркибдан четлатилган.
Диоманде 2025/26 йилги мавсумда 15 та ўйинда 7 та гол урди ва 4 та голли узатмани амалга оширди. Унинг "Лейпциг" билан шартномаси 2030 йилнинг 30 июнига қадар имзоланган.
Transfermarkt портали футболчининг трансфер қийматини 20 миллион еврога баҳолаган.
