Janubiy Koreya sudi "Los-Anjeles" futbolchisi Son Xyon Minni shantaj qilgani uchun ayolni 4 yilga ozodlikdan mahrum qildi. Bu haqda BBC xabar bermoqda.

2024 yilda Yan nomi bilan tanilgan ayol futbolchiga ultratovush suratini yuborib, undan homiladorligini aytgan va buni sukut saqlagani uchun 300 million von (taxminan 204 ming dollar) talab qilgan. AFP ma’lumotlariga ko‘ra, u olgan pullarini hashamatli xaridlarga sarflagan.

Keyinchalik Yan Yong ismli eri bilan birga homiladorlik va abort haqidagi ma’lumotlarni oshkor qilish bilan tahdid qilib, futbolchidan yana 70 million von undirishga uringan, ammo bu safar reja ishlamagan. Son polisiyaga murojaat qilganidan so‘ng, ikkalasi ham 2025 yil may oyida hibsga olingan.

Seul markaziy okrug sudi 8 dekabr kuni Yan futbolchini aldaganini ma’lum qildi. Uning sherigi Yong ham ikki yillik qamoq jazosiga hukm qilindi.