"Tottenxem" o‘z maydonida Chempionlar ligasi umumiy bosqich 6-turidan o‘rin olgan bahsda "Slaviya"ni mag‘lub etdi - 3:0.
Mezbonlar safida Muhammad Kudus va Xavi Simons o‘z nomiga gol yozdirib qo‘ydi - har ikkala yarim himoyachi ham penaltini aniq amalga oshirdi. Yana bir golni mehmonlar himoyachisi David Zima o‘z darvozasiga kiritdi.
"Tottenxem" Chempionlar ligasi umumiy turnir jadvalida 11 ochko bilan sakkizinchi o‘ringa ko‘tarilib oldi. "Slaviya" 3 ochko bilan 32-pog‘onada bormoqda.
Keyingi turda "Tottenxem" o‘z maydonida Dortmundning "Borussiya"sini qabul qilsa, "Slaviya" "Barselona" bilan kuch sinashadi.
YECHL. 6-tur
10 dekabr. 01:00
Tottenxem - Slaviya - 3:0
Gollar: Zima, 26 - avtogol (1:0). Kudus, 50 - penaltidan (2:0). Simons, 79 - penaltidan (3:0)
Tottenxem Xotspur: Vikario, Romero, van de Ven, Spens, Porro (Devis, 68), Palinya, Grey (Sarr, 58), Simons, Odober (Bergvall, 76), Kudus (Tel, 58), Risharlison (Kolo Muani, 68)
Slaviya Pr: Stanek, Xaloupek (Vlchek, 60), Ogbu, Zima (Zafeyris, 60), Xolesh, Mozes, Provod, Sadilek (Cham, 76), Sanyang (Mbodji, 80), Dudera, Xitil (Prekop, 60)
Ogohlantirishlar: van de Ven, 15. Palinya, 40 - Xaloupek, 13. Ogbu, 28. Sanyang, 48. Zima, 56
