"Тоттенхэм" ўз майдонида Чемпионлар лигаси умумий босқич 6-туридан ўрин олган баҳсда "Славия"ни мағлуб этди - 3:0.

Мезбонлар сафида Муҳаммад Кудус ва Хави Симонс ўз номига гол ёздириб қўйди - ҳар иккала ярим ҳимоячи ҳам пенальтини аниқ амалга оширди. Яна бир голни меҳмонлар ҳимоячиси Давид Зима ўз дарвозасига киритди.

"Тоттенхэм" Чемпионлар лигаси умумий турнир жадвалида 11 очко билан саккизинчи ўринга кўтарилиб олди. "Славия" 3 очко билан 32-поғонада бормоқда.

Кейинги турда "Тоттенхэм" ўз майдонида Дортмунднинг "Боруссия"сини қабул қилса, "Славия" "Барселона" билан куч синашади.

ЕЧЛ. 6-тур

10 декабрь. 01:00

Тоттенхэм - Славия - 3:0

Голлар: Зима, 26 - автогол (1:0). Кудус, 50 - пенальтидан (2:0). Симонс, 79 - пенальтидан (3:0)

Тоттенхэм Хотспур: Викарио, Ромеро, ван де Вен, Спенс, Порро (Дэвис, 68), Пальинья, Грэй (Сарр, 58), Симонс, Одобер (Бергвалль, 76), Кудус (Тель, 58), Ришарлисон (Коло Муани, 68)

Славия Пр: Станек, Халоупек (Влчек, 60), Огбу, Зима (Зафейрис, 60), Холеш, Мозес, Провод, Садилек (Чам, 76), Саньянг (Мбоджи, 80), Дудера, Хитил (Прекоп, 60)

Огоҳлантиришлар: ван де Вен, 15. Пальинья, 40 - Халоупек, 13. Огбу, 28. Саньянг, 48. Зима, 56