"Bavariya" safida o‘ynayotgan "Liverpul"ning sobiq hujumchisi Luis Dias o‘zining sobiq jamoadoshi Muhammad Saloh haqida fikr bildirdi.
"Saloh "Liverpul"da meni birinchilardan bo‘lib kutib oldi va buni ajoyib tarzda amalga oshirdi. U doimo eng yaxshi futbolchi, eng yaxshi inson bo‘lishga intilardi. U menga juda katta ta’sir ko‘rsatgan," - deya Diasning so‘zlarini BBC Sport keltiradi.
Eslatib o‘tamiz, yaqinda Saloh o‘zining shov-shuvli intervyusida klub va murabbiyni yetarli o‘yin amaliyoti bermagani uchun tanqid qilgani sababli "Liverpul" tarkibidan chetlashtirilgandi.
