"Liverpul" klubi qanot hujumchisi Muhammad Saloh mersisaydliklar rahbariyatidan norozi, chunki jamoaning yangi a’zosi Florian Virs "klub kelajagi" maqomini olgan. Bu haqda Bild nashri materialiga tayanib, The Touchline X ijtimoiy tarmog‘ida xabar berdi.
Germaniyalik hujumkor yarim himoyachi inglizlar safiga o‘tgan yozda "Bayer"dan kelib qo‘shilgan va bu "Liverpul" tarixidagi eng qimmat xarid bo‘lgandi.
Saloh mersisaydliklar safida 2017 yil yozidan buyon to‘p tepib kelmoqda. "Qizillar" bilan birga vinger APL, Chempionlar ligasi, ichki kuboklar, klublar o‘rtasidagi jahon chempionati va boshqa sovrinlarni qo‘lga kiritdi.













