Kuni kecha YECHL umumiy bosqich 6-turidan o‘rin olgan uchrashuvlar bo‘lib o‘tdi. Turning eng yaxshi futbolchisi sifatida "Arsenal" vingeri Noni Madueke e’tirof etildi, u "Bryugge"ga qarshi o‘yinda dubl qayd etdi va jamoaning safarda 3:0 hisobida g‘alaba qozonishiga yordam berdi.
UEFA 6-tur ramziy terma jamoasini e’lon qildi va u quyidagicha ko‘rinish oldi: Simon ("Atletik") - Kunde ("Barselona"), Salisu ("Monako"), Gansko ("Atletiko"), O'Rayli ("Manchester Siti") - Rios ("Benfika"), de Ketelare ("Atalanta"), Karl ("Bavariya") - Gordon ("Nyukasl"), Madueke ("Arsenal"), Grinvud ("Marsel").
Chempionlar Ligasi umumiy bosqichining navbatdagi tur uchrashuvlari 20 va 21 yanvar kunlari bo‘lib o‘tadi.














