The Athletic sahifalarida payshanba kuni kechqurun "Real"dagi vaziyat haqida material e’lon qilindi. Mualliflar Madrid klubidagi ba’zi manbalar bilan anonimlik sharti bilan suhbatlashgan.
Mario Kortegana va boshqa jurnalistlar "Real" bosslari jamoadagi vaziyat va murabbiyning qiyinchiliklaridan xavotirda ekanliklarini bilib olishdi. Bunda Xabi Alonso yagona aybdor sifatida ko‘rilmaydi.
"Shu sababli, shuningdek, murabbiyni bunday tez almashtirish loyihaga jiddiy zarar yetkazishi sababli, klub Alonsoni saqlab qolishni afzal ko‘radi - agar natijalar bunga imkon bersa," - deyiladi maqolada.
Xabi Alonso va uning shtabi bosim kuchayganini tan olishadi, ammo bunga xotirjam munosabatda bo‘lishadi, chunki shartnomani imzolashda shunday vaziyatni taxmin qilishgan.
